Einige Eindrücke von Lagerteilnehmer:innen
Gerne teilen wir die Rückmeldungen von aktuellen und ehemaligen Lagerteilnehmer:innen mit dir:
Hallo, ich bin d’Leonie (13)
Ich bin is Kik-Lager cho well ich de Markus kännt ha und ich mal han welle go luege wie das es deet isch.
Wo ich s erste mal deete gsi bin han ich scho Kollegine gfunde un dmir händ abgmacht das mer alli zäme wieder chömed… so isch es au 5 Jahr wiitergange. Im Kik-lager machemer immer cooli sache und es gitt immer en Foti aabig wo mer eus nomal gseend. Ich empfele s Lager. .
Es isch immer e cooli stimmig und es het cooli Leiter und Lüüt dete.
Ich finds Kiklager es Mega cools Lager will mer dört vill Spass het und’s eim nie langwiilig wird wills immer super programm het (Olympiade, Seilpark, märit, spieli, wanderige……) und cooli lüt zum Spiele. Ich han im Lager super tolli Lüt kenne glert wo ich nie vergässe wird.
Jedes Jahr im Herbst gahts ab uf Adelbode is KIK-Lager. Es git jedes Jahr viel neus z erlebe aber au viel cooli Traditione wo witergfüehrt werdet. Ich selber bin scho sit 5 Jahr debi und jedes Jahr wieder freu ich mich scho Wuche bevors losgaht druf. Es sind Chind und Jugendlichi vo allne Altersklasse debi und das machts so besonders.
s Lagerhus isch wunderschön und jedes Jahr fühlts sich echli wie heicho a… Es git super cools Programm und es herrscht eifach tolli Stimmig. Egal öb im Hus oder im Seilpark, uf em Märt oder uf Wanderige. Es wird viel glacht und wird ganz bestimmt nie langwillig.
Kik-Lager ischs beste Lager wo ich kenne well:
-DLüüt send mega nett und lustig
-Es wird eim nie langwilig
Also wenn mer es lustigs Lager wet ha set mer is Kik-Lager ga
Für mich isch s KiK-Lager immer schön gsi. Mer het viel neui Kollege troffe, wo mer susch nie kenneglernt hetti.
Mit vilne vo dene verbringi jetzt nach em Lager amigs Ziit, mer sind mega gueti Kollege worde. Ich bin is Lager cho, will min Kolleg mier das vorgschlage het. Es isch mis erste Lager gsi und ich han recht Angst devor gha. Doch womer det aacho sind hend mich alli mega guet ufgnoo und für mich glueged. Das isch mitlerwiile vier Jahr her. Ich bin jedes Jahr is Kik Lager gange und wird das au no i de nächste Jahr mache.
Es isch es mega cools Team us Leiter wo mit eim wennd Spass ha und ein Unterhaltet. Sie sind di ganz ziit für dich daa.
Ich chan das Lager würklich nur empfehle…
